Feb 26, 2014

indok dah koba...

doge! doge!

hayolah!

maghin laie indok dah koba.
kok suko kek oghang tu, koba an la.
ini sonyap yo bukan eh dio buleh tau.
yo dio yo maknusio biaso bukan eh wali buleh maco ati.
cor luah an isik ati tu kan ko sonang.

buek cam indok nia ha.
indok maghin mo abang kau, indok yang mulo an dulu.
mulo2 ado yo raso cam malu.
maklom la awak yo nang betino eh kan.
cam pigi caghik timbo ghompan eh.
tapi tu la.
kok tak diluah an kang langsung tak lokek.
kok dibagitau untong2 dio pun samo. ewah!
so indok pun dongan tak malu eh koba an yang indok suko kek dio.
lopeh tu indok koba indok cumo luah an apo yang indok raso.
dan indok tak kisah kok indok betopuk sebolah tangan.
ewah laie sekali!
lopeh tu indok blah laju2!
konon tak kisah padohal muko dah lobam maso tu dek kemaluan.

sesampai yo kek umah dio call.
koba dio pun sebona eh suko kek indok.
manggggg aiiiii.
osah gighang eh indok tem tu.
raso nak menikah malam tu jugak.
eh gata eh pulak!

see???
ehhh tibo2 dari cakap pilah poie cakap oramputeh.

pado si dio kok baco...
bagitau la.
takdo salah eh do.
siti khadijah pun minang nabi.
apik an la mulut2 dongki tu.

cubo = 50% (baleh/tak baleh)
tak cubo = 0%

paham tak apo yang indok cubo sampai an ni?

apo2 hal watsep indok yo.
indok sedio membantu.

sekian.
indok kawasan.

36 comments:

||alis|| said...
This comment has been removed by the author.
||alis|| said...

ok, dah paham. 2x baca, hihihi~

Irfa said...

SIB BAIK AKU PAHAM ;)
HEBAT TAK?HIHI

~ Cik Azz ~ said...

Hahaha....

Tak tau nak cakap apo, golak yoo laa..

zonaku said...

tang malu tu y x tahan.... iman x kuat...

Acik Erna said...

ummanggai..boghani e induk..kok acik ni..mati idup balik tak boghani doh..ha ha ha
tetibo yo lopeh poghasaan cakap pilah yo jah..

Acik Erna said...
This comment has been removed by the author.
umi mardiah said...

hahahha...windu den bhaso pilah ni

Aziela said...

Waaa induk. Osah kagum eh sey. Sey dulu tak yo beghani..tapi buek2 boghi hint la sikit. Syukur dio copek paham. Sampai an sey dulu tak sompek nak berdiri, dio dah datang bawak cincin. Bogogar pot diksen maso tuh.. hehehehehe

Tapi, setuju..kok tak di koba an..sampai bebilo pun tak bogorak. Kok dio yang menunggu, kito lah yang usohokan. Bukan untuk oghang lain...untung anak cucu sendiri gak tu kan. Eh...?

Hihihihi

Nizam.Ariff said...

Biso bonar tang kemaluan tu heh...takuit den baco...

MK said...

seb baik paham...

huhu..gilo ngaku tak paham? di panah poter sok kok balik linsum

tasekM said...

soalan aku satu je jah.
sebelum kau menikah dgn carlos, dah berapa jantan dah kau try...?

hihi.




.

Tijah said...

alis
2x? ok la tu untuk jiran sebelah. kalu alor gajah aku espek sekali je. huhu


irfa
hebat. hebat. ekceli kitanya sleng tak lari jauh sgt kan?


k.azz
yolah. golak jgn kekuek na kang kok tecokik roti.


zonaku
lepas cakap tu kulit gua tebal macam kulit badak sumbu oiiii. haha


k.erna
iyo kak. lapang dado raso eh bilo dah lopeh an cakap ni. nak cakap dedopan mo kawan tu takut dio kocik ati. luah an senia yo la ha.


umi mardiah
nak lopeh an ghindu datang la senia selalu. hihi

Tijah said...

aziela
indok sebona eh dah lopeh. sebolum2 tu kapel lelamo buang maso yo cam tak nampak ujung pangka eh. tu yang indok tetibo jadi ganeh bilo dah jumpo yg pekonan dek ati. haha


nizam
kemaluan tu maksud eh malu. bukan organ manusia tu der. kihkihhhhh


mk
tu la tu. kok tak yo paham, balik sok kek simpang tigo tu jugak tetibo pokok tumbang ngadang jalan.


tas
nanti aku kira. pastu aku sms ko eh jawapan dia. kahkahkahhhhhh

:: Cik Viva :: said...

mak aih..pokat bona bahasa ni hah..takpo masih boleh paham..hahah.

Liz said...

yo lah indok.
kok tak cakap, camano oghang sano nak tau?
apo ko ingat dio tu ahli nujum?
koba yo.. buek apo nak malu?
mano la tau boleh dapat. ekau gak yang suko nanti!

Daddy Ziyyad said...

hahahaha..
saya kalau baca entry2 kat sini..sambil baca, sambil terbayang pakcik makcik wife saya kat Nilai tu..speaking nogori..:)

Tijah said...

cik viva
buleh tu. pelan2 kayuh. mana tau sok dapek jodoh org nismilan leh prektis. hehe.


liz
kannn? tengok indok dah dapek walaupun jonoh menahan malu mulo2 tu. indok score goal hah!


dz
saya tulis dengan harapan asben tak paham sgt inkes dia baca. mungkin paham la sesikit tapi harap2nye tak. kalu tak malu indok. hiks. (musti best kalu dapek spiking ngan mz kan)

Baya said...

Umang ai. Tak sesio den bookmark blog ni....giang bonarrrrrrr dapek melopehan gian bahso kampung

Nastyna said...

kok nya kok nya nganga nganga mulut saya ni baca ha. intipati tu ada dapek la jugok.

Rafhani said...

Nasib baiklah family husband org rembau...maka paham lah jln cerita ngan jayanya.hihihihi

Rapunzel Cikilolo said...

huahua...

indok ni banyak ayat2 power ni...

Tijah said...

baya
baso kampong ni kok nak melopehan segalo yg tebuku lam ati mmg sesuai kan? lapang dado ghaso eh.


mak jj
kihkihkihh. koknya koknya tu dah macam bahasa dari seberang bukkk. ngakkk maukk!


rafhani
cop cop. ni paham sbb baca sendiri ka tanya asben ka? mano aciii. hahaha


rapunzel cikilolo
ofkosss. kan indok telobih makan garam sampai darah tinggi tekauu. haha

Ct NoArizah Aris said...

Hahaha...sib baik den org nismilan from jolobak jolobu paham amek den cito cik Tijah ni.

Kok x di lopeh an perasaan tu sok kok telopeh kek tgn oghang lain kok meraung tak belagu kawan tu nanti..huhu..

Shamsiah Abdul Rahman said...

Nduk..
Handa ko nduk..
Tapi samo la kito. Dulu akak pun samo gak. Kok nunggu an dio nak bukak mulut.. sampai aghi ni takdo agak eh doh.. tapi dah jodoh kan.

Alahhh.. apo la yg nak dimalu an. Bukan eh kito buek tak senonoh.

P/s;
Apolah hai.. dah bepuluh oghang lain dok mengomen.. akak baghu nak bukak citor ni..

Miss Brenito said...

Nduk, den maghin pon gitu jugak. tetibo gata ucap sayang2 mo oghang jantan, seb baik la pembalasan eh pon samo, dapek jadi laki nijam... boto koba indok tuh, jangan memalu, ikut an yo contoh Siti Khadijah tuh haa

Anash said...

adeh...
nasib baik den paham
indok tu brani bona eh...

den nak bff indok bole?
nak jugak gata2 kobaan gitu pado yang den dok usha dari kejauhan tapi tak dapek2 nak kato apo2..

bilo dokek yo dongan orang den minat..den plak ngelabah tapir..

acaner?




dhr said...

Tu deh... indok kawasan tekau!

MaX said...

den dah suruh bini den translate...pokek bonar...nanti i bagi tau carlos....pasti dia tersipu2 malu....perigi cari timba katakan..wakakakka!!!Jangan marah ye indok..

Makji Esah said...

Induk, ayo ni goma kek Anuar zain...tapi macam dah tahu yo dio tak kan goma kek ayo..so, ayo takdo pilihan..terpakso la pondam sampai lobam!

Tijah said...

ct noarizah
tu la tu. nak2 lak kok telopeh kek tangan org yg kito kona. wiii ai maun munuh diri agak eh lopeh tu kan. maun ko deh?


k.sham
ontah eh kak kan? kito cumo bagitau centu2 yo. bukan eh bawak tepak sireh cincin bolah ghotan datang mintak dio eh kek omak eh ko kan. kok centu mmg maun kono semolih moh abah kito gek eh.


miss brenito
laaa ghamai kosan eh yg buek samo cam indok kan. ingat'an indok soghang yo gata. kihkihkih. takpo la, gata yg bebaloi takpo...


anash
nak bff buleh takdo salah eh do. tapi kulit kono toba la. kok nipih cam kulit bawang tak jadi deh do. tgh bekonan kek sesorang ko skang ni? haaa baik copek. sok kok melopeh.


dhr
hikhikk. bukan apo. indok becakap berdasarkan pengalaman


max
oiiiiii. skodeng yooo? dah lamo buek kojo ni? indok ngadu kek kalos yooo...kanderrrrr. kanderrrrr...


makji
wii tak cubo tak tau ji. ontah2 dio tak kawen2 selamo ni sobab nunggu'an aji. malam kang buleh la cubo try tulis surat valentine ji...

Baya said...

i like this blog . kalau rajin tipah boleh jenguk blog saya ..

http://kameelakhay.blogspot.com/

perghhh ... giler skema

adibah said...

Induk.. taim lari maghin, sampai kek umah, songeh2 masuk lam bilik polok banta lettew khennn??? Hiks

Zihan Naszeri said...

salam kaaaaaaaaaaaaaaaaaakk
tak taula akk ingat ke x lagi kite da.
maklomla..lama gile xhapdate blog pon.
akaakkk..nak fb pls.emel le kite yeh atau add kite

Nur zihan Naszeri

Azida Lutafias said...

Boleh belajar bahaso pilah ni.. hehhe. tekehel2 lidah try ajuk :)
btw, bw. follow mt blog back dear. thanks.... :))

Ania said...

salam kenal! Saya dari team Kumpulbagi.
Jika Anda mau share dan download files dengan gampang kunjungi page kami di: www.kumpulbagi.com
Semuanya gratis, cepat dan tanpa limitasi. Anda bisa upload sebanyak files (audio, video, pdf, jpg, dll.), membuat koleksi berkas dan bagikan dengan lainya.
Coba servis kami tanpa registrasi:)